షేర్: f 𝕏 ✉ ✈ in @
andhravibes.in 16 నవం 2026, 6:31 ఉద.
క్రీడలు

న్యూజిలాండ్ టెస్ట్ సిరీస్.. భారత జట్టులో కీలక మార్పులు

Andhra Pradesh news and culture in Telugu
ప్రచురణ తేదీ: 16 నవం 2026, 6:31 ఉద. రచన: One News Desk
7 వీక్షణలు 0 వ్యాఖ్యలు
న్యూజిలాండ్ టెస్ట్ సిరీస్.. భారత జట్టులో కీలక మార్పులు

India vs New Zealand Test Series: న్యూజిలాండ్‌తో జరగనున్న రెండు టెస్టుల కీలక సిరీస్ కోసం సెలక్టర్లు 16 మంది సభ్యులతో కూడిన భారత జట్టును ప్రకటించారు. ఈ జట్టులో పలు కీలక మార్పులు చోటుచేసుకున్నాయి. స్టార్ పేసర్ జస్‌ప్రీత్ బుమ్రా గాయం నుంచి కోలుకుని తిరిగి జట్టులోకి రాగా, మరికొకొందరికి కొత్తగా అవకాశం లభించింది. శుభ్‌మన్ గిల్ ఈ యువ జట్టుకు నాయకత్వం వహించనున్నారు.

India vs New Zealand Test Series: జట్టులోకి బుమ్రా పునరాగమనం.. ఐదుగురికి కొత్త అవకాశం

గాయం మరియు ఫిట్‌నెస్ సమస్యల కారణంగా శ్రీలాంకతో జరిగిన గత సిరీస్‌కు దూరంగా ఉన్న జస్‌ప్రీత్ బుమ్రా, ఆకాష్ దీప్, వాషింగ్టన్ సుందర్, నితీశ్ కుమార్ రెడ్డి, సాయి సుదర్శన్ తిరిగి జట్టులోకి వచ్చారు. వీరితో పాటు అన్షుల్ కాంబోజ్‌కు కూడా సెలక్టర్లు చోటు కల్పించారు. గతంలో ఇంగ్లాండ్‌తో జరిగిన మాంచెస్టర్ టెస్టులో అరంగేట్రం చేసిన కాంబోజ్, ఇప్పుడు కివీస్ గడ్డపై సత్తా చాటేందుకు సిద్దమయ్యాడు. మరోవైపు కుల్దీప్ యాదవ్, మానవ్ సుతార్, సర్ఫరాజ్ ఖాన్, సారాంశ్ జైన్, ఆకిబ్ నబీలకు ఈసారి సెలక్టర్లు విశ్రాంతినిచ్చారు.

సిరీస్ షెడ్యూల్, వేదికలు

భారత్ – న్యూజిలాండ్ మధ్య జరగనున్న ఈ ప్రతిష్టాత్మక రెండు టెస్టుల షెడ్యూల్ వివరాలు ఇలా ఉన్నాయి:

  • మొదటి టెస్టు: నవంబర్ 19 – 23 (వెల్లింగ్టన్, బేసిన్ రిజర్వ్)
  • రెండో టెస్టు: నవంబర్ 27 – డిసెంబర్ 1 (క్రైస్ట్‌చర్చ్, హాగ్లీ ఓవల్), రెండు మ్యాచ్‌లూ భారత కాలమానం ప్రకారం ఉదయం 3.30 గంటలకు ప్రారంభమవుతాయి.

ప్రపంచ టెస్టు ఛాంపియన్‌షిప్ (WTC) 2025-27 పాయింట్ల పట్టికలో అగ్రస్థానంలో నిలిచి ఫైనల్‌కు అర్హత సాధించాలంటే భారత్‌కు ఈ సిరీస్ అత్యంత కీలకం కానుంది. ఇప్పటివరకు న్యూజిలాండ్ గడ్డపై భారత్ కేవలం రెండు టెస్టు సిరీస్‌లు మాత్రమే గెలిచింది. ఈసారి సిరీస్ కైవసం చేసుకోవాలంటే రోహిత్ శర్మ గైర్హాజరీలో కుర్రాళ్లు ఎలాంటి ప్రదర్శన కనబరుస్తారనేది ఆసక్తికరంగా మారింది.

న్యూజిలాండ్ టూర్ కోసం భారత జట్టు:

శుభ్‌మన్ గిల్ (కెప్టెన్), యశస్వి జైస్వాల్, కేఎల్ రాహుల్ (వైస్ కెప్టెన్), దేవదత్ పడిక్కల్, రిషభ్ పంత్ (వికెట్ కీపర్), ధ్రువ్ జురెల్ (వికెట్ కీపర్), రవీంద్ర జడేజా, అన్షుల్ కాంబోజ్, జస్‌ప్రీత్ బుమ్రా, ప్రసిద్ధ్ కృష్ణ, ఆకాష్ దీప్, సాయి సుదర్శన్, నితీశ్ కుమార్ రెడ్డి, వాషింగ్టన్ సుందర్, మహమ్మద్ సిరాజ్, గుర్నూర్ బ్రార్.

#క్రీడలు
India vs New Zealand Test Series: న్యూజిలాండ్‌తో జరగనున్న రెండు టెస్టుల కీలక సిరీస్ కోసం సెలక్టర్లు 16 మంది సభ్యులతో కూడిన భారత జట్టును ప్రకటించారు. ఈ…